五大富豪土豪专用信用卡

    |     2016年12月21日   |   大马 Talks   |     0 条评论   |    1044

五大富豪土豪专用信用卡

五大富豪土豪专用信用卡 好多人会考张Cert都冇;Credit Card,就阿猪阿狗都会有,可能不止一张!又话呢张要储飞行里数、嗰张食嘢又有折、边张又要储分换演唱会飞。计我话信用卡呢家嘢同女一样,有质素慨话一张都杀哂啦,使鬼成个银包都系咩!咁咩为之有质素?就睇下马来西亚网站「iMoney」选出慨「五大富豪土豪专用信用卡」啦!《免费奖金MYR30

1. 美国运通百夫长(Centurion)卡

centurion
百夫长卡,亦即系传说中慨黑卡。话说早于80年代初,江湖就已经传闻AE出咗一张极罕有、极高级同时又极神秘慨「黑卡」,但事实上要等到成件事传咗十几年,AE先真正推出呢张「百夫长卡」。物料方面,百夫长卡用上电镀钛金属,所以先有独特慨黑色。要拥有AE黑卡,必须要通过AE慨主动邀请。而最神秘慨系AE咁多年黎都冇讲过渠慨邀请准则系咩。有指其中一个条件系每年签账额要达到25万美金(约193万港元)。当然,年费方面亦都相当「可观」。香港区AE黑卡年费系好好意头慨$38800港元,首次申请要再畀一样咁好意头慨$38800手续费,即系未见官就先畀8万银。但系值得慨!因为你除咗可以享受N种专贵服务,最重要慨系碌卡冇上限。例如中国天茂集团总裁刘益谦,就试过喺2014年一个苏富比拍卖会上面,一炮过碌咗只盛惠2.8亿慨明代「斗彩鸡缸杯」返黎。如果用所得慨积分去换百佳现金券,都可以换到接近140万返黎!咁嗰八万银又点算系钱呢?

 

2. 摩根大通钯(Palladium)卡

palladium

 

相比起AE黑卡,摩根大通呢张「钯」卡就经济实惠得多。一年年费只需595美金(约4600港元),仲平过你供强积金。但换返黎张卡就已经系用钯、23K金同其他贵金属所造,成本价都要接近1000美元!计落系申请完唔用都有赚。但呢张卡可能比起AE黑卡更难到手。因为首先你要系摩根大通慨私人银行客户,仲要有起码2500万美金(约1.93亿)资产喺摩根旗下先有机会申请。难怪Bloomberg会用「1%人中的1%人才有机会拥有的卡」黎形容。
拥有呢张卡之后你基本上会于一切手续费、亦可以使用全球超过600个机场慨贵宾候机室。甚至如果你唔想等,亦可以选用号称全球最大私人飞机服务慨「MaequisJet」添!

 

五大富豪土豪专用信用卡

3. 迪拜第一皇家卡

dubai-first

唔钟意贵金属卡?咁呢张皇家卡(Royale Card)就啱味啱哂你。表面上渠就只系一张有条金边慨普通黑色卡;实际上,渠上面痴咗粒.234卡慨钻石上去。难怪发卡公司迪拜第一慨总裁Ipahim al Ansari会话呢张卡系「世界上最独特慨卡」。

同AE黑卡一样,成为卡主慨唯一办法就系得到迪拜第一慨邀请。而除咗有钱之外,最容易得到渠哋青睐慨方法就系有个皇室身份--话哂都叫做「皇家卡」嘛!

咁皇室成员有咩福利? al Ansari话就算你想要个月亮,渠哋都会尝试摘比你!更加唔好讲咩奥斯卡门票、飞去德国试新波子等等等等。而另一个卖点就系用呢张卡慨任何消费都可以享有4%现金回赠,而且除咗7000迪拉姆(阿联货币,即约14800港纸)首次申请费之外,往后都唔需要畀任何年费。点解听落去呢张卡咁节俭慨呢?

 

4. Coutts 丝卡

Coutts

「Coutts」乃系世界上最早成立慨银行之一,成立于1692年,目前由苏格兰皇家银行拥有;当今英女皇伊丽莎白二世都系渠哋慨客户之一。

当然,「丝卡」唔会系用丝造,只系用上中国丝绸慨纹理为设计意念。卡主可以使用其礼宾服务,打点上至宴会请客飞机酒席事宜,下至帮个仔揾最好慨补习老师等等。

丝卡亦系今次介绍慨五张卡之中唯一一张有签账上限慨信用卡。最基本上限为30000镑(约36万港纸),当然亦可以与银行构通以增加上限。

5. 花旗银行Ultima Infinite

Citi-ultima

如果话上面呢几张系遥不可及,以下呢张就应该系距离我哋「最近」慨富豪级信用卡。因为渠只系提供于新加坡、印度、香港以及阿联4个地方,系咪好近呢!

要成为Ultima Infinite慨卡主,你需要拥有500万新加坡币(约2800万港纸)资产,而香港区年费就系同AE黑卡同样咁好意头慨$23800。

每个卡主都会拥有一名私人「生活经理」,渠除咗会帮你安排一般礼宾服务,更加为亲身送你张卡到府上,并且了解一下你慨生活兴趣,再向你提议不同慨活动、玩意。而且每年都会有特别奖赏,例如香港区慨卞主每年都会自动获得12万飞行里数,足够换一张伦敦商务客位来回机票。

 

五大富豪土豪专用信用卡

Share
转载请注明来源:五大富豪土豪专用信用卡
Empire777 Rebate
回复 取消